Dalle ritmo a novo curso 2026/ 2027!
Aberta a matrícula para o curso 2026/2027 na Escola de Música de Beade. Aprende, toca e medra connosco nun ambiente único. Tes o ritmo dentro?
Que podedes aprender con nós?
Os nosos servizos
Temos un espazo para cada talento, dende os primeiros pasos ata a especialización:
Música e movemento
Iniciación musical a través do xogo, o ritmo e o corpo para desenvolver a sensibilidade e a expresión desde idades temperás (a partir de 4 anos)
Formación teórica musical
Aprendizaxe dos fundamentos da linguaxe musical para comprender, ler e interpretar a música con maior profundidade.
Especialización instrumental
Dispoñemos de profesores nas ensinanzas de vento madeira, vento metal, percusión e corda frotada.
Música en conxunto
Aprende tocando en grupo na nosa Banda Infantil ou na nosa Banda Xuvenil.
Resolvemos as túas dúbidas
Preguntas máis frecuentes
Non. A maioría do alumnado comeza sen experiencia previa. O noso profesorado acompaña a cada estudante desde os primeiros pasos, adaptando o ensino ao seu nivel e ritmo de aprendizaxe.
Os nenos e nenas poden iniciarse na música desde os 4 anos. Contamos con programas adaptados a cada etapa do desenvolvemento para que a aprendizaxe sexa divertida, motivadora e axeitada ás súas capacidades.
Ofrecemos asesoramento personalizado para axudar ás familias a escoller o instrumento que mellor se adapte aos intereses, idade e características de cada alumno ou alumna. Tamén é posible probar diferentes opcións antes de tomar unha decisión.
Non sempre. Dependendo da especialidade, podemos orientar ás familias sobre cando é recomendable adquirir un instrumento e que opcións son as máis adecuadas para comezar. A escola dispón de varios instrumentos para alugar durante os primeiros cursos.
Si. Ao longo do ano organizamos audicións, concertos e outras actividades que permiten ao alumnado mostrar os seus progresos, gañar confianza e desfrutar da experiencia de tocar en público.
Sobre nós
O noso profesorado!
Contamos cun equipo de músicos e docentes apaixonados que acompañan ao alumnado en cada paso da súa aprendizaxe. A súa experiencia e dedicación garanten unha formación musical de calidade, próxima e adaptada a cada estudante.
Coñece as nosas instalacións
Aula música e movemento
Con mobiliario adaptado aos cativos. Dotada de piano para o docente e moitos instrumentos para os alumnos.
Aula linguaxe musical
Aula moi lumninosa, co mobiliario necesario para a docencia e dotada con piano para o o profesorado.
Local de ensaio
Sala ampla, con paredes recubertas de materiais especiais que axudan a reducir o ruído. Dotada con cadeiras a atrís para os músicos e instrumental de percusión.
Secretaría
Sala situada na primeira planta, dotada con fotocopiadora, e onde o conserxe controla as portas de acceso da escola e atende o teléfono.
