Coñece a Escola de Música de Beade!

Detrás de cada gran banda de música hai historias de esforzo, amizade e moito crecemento. Un músico non nace dun día para outro: fórmase con ilusión, constancia e o agarimo dunha gran familia.

Na Banda Escola de Música de Beade sabemos que a música é moito máis que tocar un instrumento; é unha ferramenta clave para o desenvolvemento emocional e intelectual dos máis pequenos. Por iso, coidamos con orgullo da nosa canteira, o verdadeiro motor que mantén viva a nosa tradición.

Que podedes aprender con nós?

Os nosos servizos

Temos un espazo para cada talento, dende os primeiros pasos ata a especialización:

Música e movemento

Iniciación musical a través do xogo, o ritmo e o corpo para desenvolver a sensibilidade e a expresión desde idades temperás (a partir de 4 anos)

Formación teórica musical

Aprendizaxe dos fundamentos da linguaxe musical para comprender, ler e interpretar a música con maior profundidade.

Especialización instrumental

Dispoñemos de profesores nas ensinanzas de vento madeira, vento metal, percusión e corda frotada.

Música en conxunto

Aprende tocando en grupo na nosa Banda Infantil ou na nosa Banda Xuvenil.

Matrícula aberta todo o ano!

Nunca é tarde para empezar a tocar o teu instrumento favorito! Na nosa escola a matrícula está aberta todo o ano para que te sumes ao noso ritmo cando ti queiras e sen presións.

Resolvemos as túas dúbidas

Preguntas máis frecuentes

É necesario ter coñecementos musicais previos?

Non. A maioría do alumnado comeza sen experiencia previa. O noso profesorado acompaña a cada estudante desde os primeiros pasos, adaptando o ensino ao seu nivel e ritmo de aprendizaxe.

A partir de que idade poden comezar os nenos e nenas?

Os nenos e nenas poden iniciarse na música desde os 4 anos. Contamos con programas adaptados a cada etapa do desenvolvemento para que a aprendizaxe sexa divertida, motivadora e axeitada ás súas capacidades.

Como elixir o instrumento máis axeitado para o meu fillo ou filla?

Ofrecemos asesoramento personalizado para axudar ás familias a escoller o instrumento que mellor se adapte aos intereses, idade e características de cada alumno ou alumna. Tamén é posible probar diferentes opcións antes de tomar unha decisión.

É necesario mercar un instrumento desde o primeiro día?

Non sempre. Dependendo da especialidade, podemos orientar ás familias sobre cando é recomendable adquirir un instrumento e que opcións son as máis adecuadas para comezar. A escola dispón de varios instrumentos para alugar durante os primeiros cursos.

Realízanse actuacións ou concertos durante o curso?

Si. Ao longo do ano organizamos audicións, concertos e outras actividades que permiten ao alumnado mostrar os seus progresos, gañar confianza e desfrutar da experiencia de tocar en público.

Sobre nós

O noso profesorado!

Contamos cun equipo de músicos e docentes apaixonados que acompañan ao alumnado en cada paso da súa aprendizaxe. A súa experiencia e dedicación garanten unha formación musical de calidade, próxima e adaptada a cada estudante.

Coñece as nosas instalacións

Aula música e movemento

Con mobiliario adaptado aos cativos. Dotada de piano para o docente e moitos instrumentos para os alumnos.

Aula linguaxe musical

Aula moi lumninosa, co mobiliario necesario para a docencia e dotada con piano para o o profesorado.

Local de ensaio

Sala ampla, con paredes recubertas de materiais especiais que axudan a reducir o ruído. Dotada con cadeiras a atrís para os músicos e instrumental de percusión.